El-emru ke-ma-zukire fihi nemekkahu efkar ileyhu sübhanehu es-Seyyid Abdüsselâm el-müvella hilâfeten bi-cezire-i Andra ufiye anhu (mühür).

Sebeb-i tahrir-i huruf budur ki: Aya manastır sakinlerinden Kumenoz papa Antimo ve papa Arşen ve sair papazlar mahfil-i kazaya gelüb şöyle takrir-i kelâm eylediler ki Kabsaraki Mankana nam mevzide vaki kadimden mabedhanemüz olan kenise sakfı ve bâzı mevazi harabe müşrif olmağın kenise-i merkumenün vaz-ı kadimi üzre tâmir olınmak içün kibel-i şer’den istizane ederüz dediklerinde kenise-i merkumenün hudus u kudumı muvassakunbih olan kimesneler ihbar etdüklerinde kenise-i merkumenün sakfı ve bâzı mevazi harabe müşrif oldukda yacuz meremmetü’l-kenais ale-vazı’s-sabık bilâ-ziyadet ve lâ-noksan kenise-i merkumenün sakfı ve bâzı mevazini tâmiriçün sevb-i şer’den ruhsat verildi. Tahriren fi 23 min şehr-i Rebiyülahir sene 1036. Şühudü’l-hal: Mustafa Beşe er-racil. Hüseyin Dayı Ahmed. Ahmed bin Abdullah. Mehmed bin Bali. Safer bin Abdullah. Yanuli Salaha. Ve gayrihim mine’l-hazırin.